UPPLÝSINGAR
Hafist var handa við byggingu Íþróttamiðstöðvarinnar þann 31. maí 1975. Þegar verkinu lauk þótti það vera eitt mesta íþróttamannvirki landsins enda um 3.300 m2. Vígsla sundlaugar fór fram þann 10. júlí 1976 og í síðar þann 11. september var íþróttahúsið vígt.
Um aldamótin, nánar tiltekið þann 17. júní árið 2000, var skóflustunga tekin vestan við húsið þar sem ákveðið hafði verið að ráðast í gagngerar endurbætur á miðbyggingu hússins og bæta aðstöðu fyrir íþróttafélög í sveitarfélaginu til muna. Nýr tvöfaldur fjölnota íþróttasalur með aðstöðu fyrir fimleikaiðkendur, einnig var bætt við félagsaðstöðu og fundarsalar fyrir íþróttahreyfinguna. Þann 28. Desember 2001 var húsið síðan tekið í notkun og heildarflatarmál Íþróttamiðstöðvar þá orðið 6.400 m2.
Þann 17. nóvember 2008 var tekin skóflustunga að nýju útisvæði við sundlaugina. Vorið 2010, þann 22. maí fór fram vígsluathöfn á útisvæðinu. Falleg ásýnd með tilvísun í sögu og menningu Vestmannaeyja var megin áherslan . Búningsklefar við sundlaugina voru á sama tíma endurbættir að fullu og standast nútíma kröfur.
TPZ teiknistofa sá um alhliða hönnun byggingar.
